今次帶大家嚟到西貢戲棚~
西貢戲棚位於西貢墟普通道天后廟旁邊，佢嘅特別之處就係建築係停車場、行人路及馬路上，真係非常搞鬼。
交通非常方便，有好多小巴、巴士，唔怕無車。
天后廟係隔離，當然要去拜一拜啦!!!!!
拜完行前少少有一條小市集，其實係由西貢街坊會與一眾商店舉辦。雖然相比青衣戲棚嘅美食攤檔少，但都有齊懷舊小食、特色飲品、玩具等。
行過見到我最愛嘅懷舊糖蔥餅……第一次見有人寫上對聯，鍾意嘅朋友真係要試下有幾脆。
再行前啲有檔一口缽仔糕，細細個又好似幾得意wooo~~~$20有6個，而且有多種口味：芋頭、綠茶、黑芝麻、豆沙、榴槤、還有傳統黄糖加白糖，另外仲有桂花杞子同椰汁西米糕tim!!!!好就買嚟試下……味道雖然一般，但勝在得意~~~
行到中間就有玩具、海味、酒類賣，真係多元化。
差不多番到戲棚前……見到冰糖葫蘆同冰糖士多啤梨，有得食嘅地方唔多，忍唔住買左串，真係好好味!
行完小市集當然係睇戲，今次有邊個？？？係龍貫天、南鳳、陳鴻進……咁嘅陣容，您仲唔快啲嚟睇!!!!!!
頭先食得唔夠飽，唔緊要!!!西貢出名係咩？當然係海鮮，咁多海鮮食肆總有一間啱哂您。唔啱嘅朋友仲可以揀泰國菜、日本菜……
沒有留言:
張貼留言