《身體大掃除 - 然淙養生文化館磁穴深層通經絡療程》

血氣唔好……經絡塞到爆嘅我好令到毒素排得唔好、亦都容易導致抽筋等問題，困擾多時都唔知點算好？？？

新年前決定要去然淙養生文化館幫身體大掃除一番！！

磁穴深層通經絡療程，到底對身體有咩好？ 通經活絡、運行氣血、化瘀更生，有助保持經脈暢順。對於經常周圍走、又長時間站立嘅我……雙腳特別攰，等我親身體驗一下先。

首先按摩師會利用磁叉再加上按摩油進行推按。但磁叉又係咩嚟呢？

磁叉利用磁力按摩工具（整個叉也是磁石做的）刺決穴位，針對性改善經絡不通的地方，把該處的毒素排出，促進新陳代謝。

最初感覺有少許“冤痛”……只因經絡唔通，但推多兩至三下、當暢順之後，明顯鬆左無咁崩緊。加上按摩師好細心、溫柔，會因應您嘅身體問題，慢慢幫你推鬆。

做完療程之後，更送上一杯暖暖嘅黑杞子水。黑杞子既明目又美肌，真係非常窩心！

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

免責聲明:本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。

希望大家喜歡我的分享！
歡迎合作，試用及出席活動！ Thanks！

Contact Email：tatamephoto@gmail.com

Facebook Fans Page : https://www.facebook.com/Tatamephoto/

IG :tatarsek
      tatamephoto

Weibo: TatameMStarz

新式素食

向來唔好肉又非常齋姑嘅我，最近都會與素食者朋友們四出發掘新嘅聚腳飯堂。今日嚟到一間位於銅鑼灣嘅常樂素食餐廳試下味先~

4人行叫左3樣食物試試……

藍帶豬排

金黄脆皮嘅素豬排，內裡夾著乳酪，熱力令乳酪溶化了，囗感外脆內軟。

芋頭魚
鬆脆皮薄嘅外層，包住超級幼滑嘅芋頭蓉，入口後慢慢溶化，一啲渣都無，好好食呀！

絲絲入扣
個名好特別，其實係由山藥切成一絲絲再卷成蘿蔔絲酥嘅樣子放上湯匙內，沾上芥末同醬油，感覺好fresh。

最後送上甜品桂花糕
桂花香味滲透整個口腔，加上杞子，對女士們既可以美顏又可以明目進補。

常樂素食：

銅鑼灣駱克道459-461號 The L. Square 7樓

香港台式火鍋店

今個冬天忙到好少打邊爐，今日初七嚟到呢間台式火鍋滾滾先。台灣火鍋通常只會諗到鼎王、無老鍋等，唔知呢間位於香港嘅《老鍋》又會係點呢？

裡面裝潢有點似台灣火鍋店，中式屏風、燈籠嘅擺設，真係令人好想跑去台灣一趟。位置都算寬敞，唔會太逼，三五知己嚟聚會都唔錯。

講咁耐……係時候睇下餐牌先。位於尖沙咀地帶所以價錢都算合理，不過我地係21:30後到，宵夜時段有7折，新年流流獎勵下自己都唔過份。

火鍋最重要就係要湯底正，餐牌上有4款選擇。經常捱夜嘅我地……最後揀左養生鍋補一補先。湯底由藥材、人蔘、金華火腿、豬肉等而製成，味道清甜，好味！內裡更好似台灣火鍋店一樣都已經放有鴨血同蜂巢豆腐，而鴨血更係從台灣運過嚟，因為香港都已經甚少有工場製造了，所以更加增添不少台灣風味。

其次都要睇下火鍋料新唔新鮮，整體都唔錯。最驚喜係響鈴同炸午餐肉真係即點即炸，午餐肉仲要炸到咁金黄，未放入鍋都忍唔住口食番舊。

另一驚喜手打梅菜豬肉丸，口感都幾彈

其他火鍋料都不錯

鍾意另類邊爐（吸煙）嘅朋友唔駛愁，老鍋設有露台位置，既可以食住火鍋又可以打住邊爐 （吸煙）。加上營業時間到凌晨2:00，好啱夜鬼嘅朋友。