遊走戲棚 - 大澳

終於走到入大澳啦！

今次忙忙無去周圍食嘢，不過上網一search都有好多大澳美食推介，所以都唔駛我share。

反而想share住水上棚屋體驗之旅
說實在……我呢個水上人都未住過棚屋，今次可以係東方威尼斯之稱嘅大澳，真係好榮幸。

其實棚屋都唔係咁易租借到，加上有屋主一家三口住緊，所以西面公主唔好意思全屋影，只係影左我瞓嘅房間。

話你知……棚屋雖然細細地，但都有兩層，今次我住嘅上層仲有兩間房間，出面仲可以整多個雙人床鋪。

不過我地呢代都好幸福，雖然瞓過好硬嘅床墊，卻從來未試過瞓咁硬嘅木板，最初瞓上去真係有啲唔慣，但當係熱辣辣嘅夏天瞓上去……涼浸浸原來都幾舒服。

瞓醒又係時候行番棚裡面準備，大澳嘅環境真係又靚又舒服，如果下次有時間一定要慢行享受一下裡面嘅風情。