45載懷舊金記冰室

一早出新娘job……完左上半part，當然去食個早餐補充番啲能量。

行過霎東街，抬頭見到金記冰室就入左去啦！估唔到裡面裝修咁特別~~~冰室自1967起就已經開業了，原店最初係筲箕灣嘅大排檔，係該區屹立45年，之後加租狂潮下被迫消失，直至早幾年前重開，並有幾間分店。

入到去……有架電車車頭，裡面有2-4人嘅卡位，然後側邊兩旁都有餐枱，擺位都算寬敞，唔會太迫，而且裝修、擺設都係懷舊裝飾，整體都幾特別。

坐低當然叫嘢食先，menu好特別，係乒乓球拍設計，內裡有不少插圖與冰室歷史簡介，有別於一般茶餐廳menu。另外最得意就係呢個囍字杯，裡面其實係放著砂糖。

早餐到啦！！！
福麵……係我兒時最愛，精髓在於包味精粉，之後再配份煎雙旦加多士，簡直完美。

下次有機會要再去西環店坐一坐。