邪惡的韓國快餐

公司可以搬番尖沙咀真係太好，又可以日日食韓國餐。

韓國快餐最好嘅其中一間就係明洞express，簡直快、靚、正！

去到一定會點我嘅最愛純豆腐湯。熱辣辣嘅石鍋載住豆腐泡菜湯，上到台嘅時候仲滾住…滾住，忍唔住即刻飲啖湯暖暖胃，再配上一碗白飯。

邪惡嘅芝士泡菜餅
話減肥嘅我……見到之後都係食完再算。煎到卜卜脆嘅泡菜餅，上面再鋪著滿滿嘅芝士，簡直邪惡到不得了，好食到停唔到口。