青衣戲棚又嚟啦……等我今日都去湊下熱鬧先~~~~
不過唔知幾時開始……去戲棚嘅重點唔係去睇大戲，而係去隔離攤位食嘢呢？hahaha!!!!!!
每年嘅青衣戲棚其實係青衣運動場裡面，由青衣站步行過去都係7-8分鐘，都非常方便。
waaaaaaaa入到門口已經人山人海啦!!!!!!真係多人多到嘔。facebook、雜誌今年推介美食，我全部都經過哂，不過無食到，因為條龍長到……反而我去食左啲無推介嘅小食。
呢款泰式手制雪條，好似無咩特別，之但係個姐姐只係將果汁倒入去雪條模，然後放入桶搞搞下，當然桶裡面有冰粒雪住，過左陣雪條就出嚟啦~~!!!而我就揀左蜜桃味試試，味道都幾清甜，天氣咁熱……食完透心涼。
食完雪條，見到隔離檔擺嘅嘢咁懷舊，忍唔住去八卦下先，原來係有粟米、花生同菠蘿。即係咁……都係懷舊嘢先襯戲棚。買左支菠蘿，個叔叔仲好好教埋我點食，重點就係呢盤鹽水啦!!!!個叔叔話我浸得愈多愈好食，然後我好唔蝕咁狂浸，真係好好味!!!!!
食完嘢當然要睇戲，今年係鳴芝聲劇團演出，鍾意睇大戲嘅朋友當然要睇埋先走啦!!!!!!
沒有留言:
張貼留言